Karen ramkulh, KNLA kuttang ah a um mi Cobracolumn nih vanlawng kahnak an ngeih mi zapi hmuh ding in nihin ah an hun langhter.
Cobra Column nih an langhter mi hriamnam cu liang cung ah khin i kah mi MANPAD phun HN-5 si dawh an si i, vawlei in van lei kahnak rocket an si tiah raal hriamnam kong a tial tawn mi Tactical Raptor nih a langhter.
“1970 hrawng ah design an rak ser mi first generation MANPADS an si caah raltuknak vanlawng pawl kham nakding ahcun a fawi lo. Bomb a rak thla mi vanlawng pawl cu a thla kho rih hna lai lo. Mi-35, Mi-8 helicopter hna le Y-12 vanlawng pawl caah cun hmual a ngei kho,” tiah Tactical Raptor nih a tial.
HN-5 nih a kah khawh mi cu meter 800 in 4,400 tiang hrawng a si i, kah hnu second 15 chung ah zei hmanh a khen lo ahcun amah tein a puak ti zong a langhter.
Photo: Cobra Column
