Chin National League for Democracy (CNLD) party nih 2020 kum thimnak ah Chief Minister an tuan khawhnak lam a um lo i Chin Ramkulh Cozah an ser khawhnak lam zong a um lo, tiah Chin Ramkulh NLD Chairman le atulio Hluttaw Speaker Pu Zo Bawi nih July 6 ah a chim.
“Chief Minister le Cozah an serh khawhnak lam a um lo, ka ti mi hi Chin Ramkulh ah Hluttaw Palai 24 kan um. Ralkap Palai hi minung 6 an si. Tedim le Tonzaang ah CNLD party an um lo. Palai 4 an sung. Phundang cun, Palai 24 chung ah 10 zuk ulaw Palai 14 an taang. Palai 14 chung ah Palai 13 an tlin lawng ah Cozah ser khawh a si. Cucaah, Palai 14 chung ah CNLD nih 13 an tlin khawh nakding lam a um lo. Phundang cun, an milu nih a deih lo ca ah Chief Minister an tuan kho lai lo i Cozah zong an ser kho lai lo ka tinak a si,” tiah Pu Zo Bawi nih The Hakha Post ah a chim.
Ramkheel rian ah hin fak tuk in i soisel ding a si lo nain tutan thimnak ah CNLD nih Chief Minister an tuan khawhnak lam le Cozah an ser khawhnak lam tu cu a um bak lo, ti zong Pu Zo Bawi nih a chim fawn.
