Chin National League for Democracy (CNLD) party Central Executive Committee (CEC) nih July 11 ah Pu Lal Maung Cung le Pu Tum Sang cu party tuanvo ngeitu sinak le party chungtel sinak in an phuah hna i, July 13 ah Thantlang CNLD nih Salai Ceu Bik Thawng a rian ngol ding an hal ve, tiah Social Media ah cathanh kan hmuh.
CNLD CEC nih cathanh an chuah mi chung ah, “CEC nih Thantlang CNLD tuanvo ngeitu hna nih Hluttaw Palai thimnak kong he pehtlai in zulhphung kan ser mi an zulh lo ca ah kan cohlang lo. Party Chairman Pu Lal Maung Cung le Secretary Pu Tum Sang cu party tuanvo ngeitu sinak in siseh, party chungtel sinak in siseh, kan dinhter hna,” tiah July 11 ah cathanh an rak chuah.
Hi kong ah Thantlang CNLD nih July 13 ah cathanh pakhat an chuah ve. Cu chung ah Salai Ceu Bik Thawng kong an tialchih.
Cathanh No. 8;
- Ceu Bik Thawng cu Thantlang myone CNLD party member sinak in 13/7/2020 ah kan chuah.
- Ceu Bik Thawng cu Thantlang pengah CNLD (miphun) party a hmunh chung Candidate caah luhnak nawl kan pe ti lo.
- Ceu Bik Thawng cu CNLD BaHu CEC General Secretary a sinak zong in kan phuah piak hna seh.
