CNF upa Dr. Za Hlei Thang ruak cu a semnak Chin Ramkulh Falam ah April 26 a phanh lai ca ah Falam khuapi nih upatnak he don an timh.
“CNF upa Dr. Za Hlei Thang ruak donnak ding ah Committee minung 20 hrawng ser an si. Falam khua hauka Salai Sun Ceu thlaan in mizapi nih don a si lai. Falam peng miphun hrin 12 aiawh in meithal zun 12 zong puah an i tim” tiah Chinland Herald Editor Salai Samuel Lian nih The Hakha Post ah April 10 ah a chim.
A ruak hi April 24 Yangon, April 25 Kalaymyo, April 26 Falam a phan lai. Hauka donnak in Falam Town Hall ah mizapi nih a ruak cu humh a si lai.A ruak tlak zaanriah rawl caah Falam Khua nu/pa nih Vok thah an timh. A ruak zong Tawnlo puan tomh in upatnak pek an timh.
Dr. Za Hlei Thang March 17 USA ah a nunnak a dih i amah nih a thih hlan ah a semnak Chin Ramkulh Falam khua ah vui a duh bantuk in tlunpi a si lai.
