SAC ralkap he biaruahnak ngei kho ding in CNF aa zuam tiah ZRA nih a puh mi kong he pehtlai in CNF chimnak nawlngei Salai Htet Ni nih a dik lo mi a si, tiah a leh.
February 9 ah khan ZRA nih cahmai hmai hnih cathanh an chuah i cu chung ah cun “SAC he biaruahnak ngei ding in CNF a thli te in pehtlaih khawh aa zuam lengmang,” tiah an langhter.
Salai Htet Ni nih, “Cu bantuk cu hrihhram ngei lo sual puhnak men a si,” tiah Than Lwin Khit thawngzamhnak a chim.
ZRA nih, “Chinland council rianṭuannak cu Zomi miphun he pehtlaih a ngei lo. Zomi miphun cu kanmah Zogam Charter ning in kan kal lai,” tiah cathanh ah an langhter.
