Chin National Front (CNF) General Secretary hlun le Mara Administrative Territorial Council (MATC) President a tuan lio mi Pu Paul Sitha cu October 15, zaan suimilaam 11:50 ah, Mizoram, Saiha Sii-innpi ah mual a liam tiah kan theih.
Damlo ruang ah Saiha District Sii-inn i aa thlop lio ah atu bantuk in mual a liam hi a si tiah kan theih.
Pu Paul Sitha cu 2022 April 22 ah MATC President ah rian khinh mi a si. CNA/CNF zong ah kum 32 chung miphun rian a rak tuan i General Secretary rian zong a rak tlai cang mi a si.
Pu Paul Sitha cu Mara mizapi nih bochan mi a si bantuk in Chinland Defense Force-Mara (CDF-Mara) zong nih mual a liam ngaihchiatnak cathanh an chuah ve.
