Falam peng, Rihkhawdar ralhraang camp in a rak zaam mi SAC ralkap pahnih cu CNDF check gate ah, 2023 June 6 ah kan tlaih hna i kan kilkawi hna tiah CNO/CNDF nih nihin ah an thanh.
CNDF nih tlaih mi SAC ralkap pahnih cu Ralkap Saw Naung Tun le Ralkap Aung Myo Kyaw an si. Ralhraang Council kuttang riantuan an duh ti lo caah 2023 June 4 ah a zaam mi an si tiah an tial.
Tlaih a tong mi SAC ralkap hna nih MA 1 Meithal zun khat, kuan bawm 4, zenthong 330, MG1 kut cheh bomb pakhat an rak i ken tiah CNO nih a thanh.
Photo: The Rihli Voice
