CNA ralkap drone team in Bawino Van Biak Thawng le Salai Shine Htet Aung (Zotung) nih nihin April 14 ah ram le miphun ca ah an nunak an pek tiah thawng kan theih.
April 8 le 9 zong ah Falam le Hakha kar kahdohnak ah CNA in Salai Tha Khar le Bawino Saw Mana nih ram le miphun ca ah an nunnak an rak pek.
March thla thawk ka ah Kalay in a rak i thawh mi SAC ralhraang 200 hrawng le motor tlar cu Chin ralkap phu komh nih lam thluanchuak pehtlai in an kah hna ca ah ralhraang tampi an thi, hma an pu i thla khat leng a rauh hnu tiang ah an i tinh mi Hakha khua an phan kho lo.
Falam le Hakha kar ah kahdohnak a faak khun i SAC ralhraang nih a ralkap pawl vanlawng in nifatin kahdohnak a bawmh hna nain Chin ralkap hna nih ralhraang armored vehicle pahnih le thilri phor motor an hrawh dih khawh tiah kan theih.
##########
