Zahan, January 31 zaan ah CNA le CDF komh ralkap hna nih Thantlang khua chung ah, Thantlang khua a khaangtu SAC ralhraang paruk an tlaih hna tiah theih a si.
“CB Bank chung ah kan miphun ralkap nih an erhkhumh hna i an hriamnam tampi he an tlaih khawh hna,” tiah thawnghram nih a chim.
Hriamnam he tlaih aa huah mi ralhraang hna cu ralkap thuam he si lo in Thantlang khua chung inn kip ah an fir mi khualak thuam an i hruk.
SAC ralhraang pawl hriamnam tampi he tlaih an si hnu, nihin February 1 ah vanlawng hmang in SAC ralhraang nih Thantlang khua ah bomb voi nga a rak thlak tiah kan theih.
