Chinland Cozah ralkap nih an laak mi Tongzaang khua, humhimnak gate ah CNA le ṭangṭi phu hna nih bingraang (Heroin) bawm thong khat an tlaih tiah Chin National Front (CNF) nih a thanh.
Motor number YGN/4J-4438 in minung pahnih nih an phorh mi bingraang cu 2024 June 13 ah an tlaih mi a si i, India ram ah luhpi ding in an timh mi a si tiah theih a si.
An tlaih mi bingraang cu bawmh thongkhat a si i, India tangka sing 350 in 400 (35,000,000 – 40,000,000) kar man a si lai tiah ruahdamh a si.
Bingraang phortu hna le an motor cu rithaisii lei tawlrel ningphung in dantatnak pek awk ah an hren chung hna i, anmah he aa pehtlai mi pawl zong hlathlai an si lai tiah theih a si.
Tonzaang peng cu Chin ramkulh chung ah bing tam bik an cinnak hmun a si ti zong CNF nih a langhter.
Photo: CIC
