Cikhua khuapi tel in Tonzaang peng pumpi chung ah umhmun khuar hrimhrim lo ding in CDF-Tonzang nih ZRA/ZRO cu nihin August 10 ah faakpi in ralrin a pek.
Chinland Council ralkap phu komh nih Tonzaang khua tel in Tonzaang peng kan laak khawh ding cang caah Tonzaang peng pumpi chung ah SAC ralkap an thiang cang i CDF-Tonzaang le Chinland ralkap phukomh nih hmunhma kan laak cang tiah cathanh ah an ṭial.
“ZRA/ZRO ralkap hna nih Cikha khuapi tel in Tonzaang peng chung ah umhmun khuar hrimhrim lo ding ah faakpi in kan in khap hna,” tiah an langhter.
Kan in khap mi hna nan zulh lo ahcun kahdohnak in faakpi in dantat nan si lai tiah CDF-Tonzaang nih ZRA/ZRO ralrinpeknak cathanh an chuah.
Tonzaang peng chung ah SAC ralkap an um ti lo i, zalong tein tlonlen khawh a si cang caah ralzaam pawl rak kir cang ding zong CDF-Tonzaang nih nihin ṭhiamṭhiam ah forhfialnak an thanhchih.
Photo: CDF-Tonzaang
