Tonzang peng, Cikha khuapi kiangkap khuate pawl ah voi dang nakin bing a cing mi an tam i bing lo a karh tiah theih a si.
Atu ah cun Tonzang-Cikha motor lam kam tlangthluan ah bing an cinnak pawl hmuh khawh a si cang. Hlan ah cun khuate ah mi tlawmte lawng nih an rak cin tawn nain atu ah cun a khuakhua in fangvoi cin bantukin an cin cang, tiah Zalen nih a tial.
“Report a tam caah khua upa le Khrihfabu zong nih zei hmanh an i thlak ngam lo, cu dirhmun cu a si,” tiah tualchung mi pakhat nih Zalen ah a chim.
Ralkap nih hramhram in Myanmar ram nawlngeihnak a laak hnu in rithaisii a karh i Chinram Chaklei zong ah bing a cing mi an karh tiah theih a si.
Photo: Zalen
