Tedim khua ah SAC nih a tuahmi innchungkhar mincazin laaknak ah a bawmtu Pu Kam Lam Thang cu PDF-Zoland nih an tlaih, tiah theih a si.
Pu Kam Lam Thang hi Tedim khua, Myoma sang ah a ummi a si i, PDF-Zoland le Chin Brotherhood nih an chuahmi ralrin peknak zeirello in SAC nih a tuahmi innchungkhar mincazin laak a bawmh hna, tiah PDF-Zoland nih a langhter.
SAC ralkap nih October 1 in a thawkmi rampi huap in milurelnak a tauh i, Tedim, Falam le Hakha sang cheukhat zong ah chungkhar mincazin laaknak an tuah.
SAC nih thimnak caah a tuahmi innchungkhar mincazin laaknak ah a bawmtu pohpoh cu faak piin dantat nan si lai, CDF-Hakha, CDF-Hualngoram, CDF-Mara, Chin Brotherhood le PDF-Zoland nih ralrin peknak an chuah hna, tiah theih a si.
