SAC ralhraang pawl cu civil thuam he mizapi cit mi khualtlawng motor hmang in Chinram ah an rak lut i ralkap lei thazaang an i chap tiah CNF/CNA nih nihin ah a thanh.
Cu cathanh ah cun, mizapi hman mi khualtlawng motor hna nih SAC ralhraang chungtel pawl asiloah SAC hriamnam kuanzen pawl phorh lo ding in khapnak an tial.
Chinram chung ah tualchung Chinmi dah ti lo, leenglei khualtlawng luh lo ding le, Chinram ah rat ding in a herh tuk mi a um ahcun tuanvo ngei CDF le PDF nih pek mi hngalhpinak ca he lawng luhnak nawl pek a si lai tiah an langhter.
Cu bantuk in theihternak an tuah mi a zul lo mi cu faakpi in dantat an si lai i, thawngthanhnak dang a um hlan chung poh cu hi nawlpeknak hi a hmun lai tiah an thanh.
