Thantlang khualai i SAC ralkap hmunkhuarnak CB bank cu Chinland cozah ralkap hna nih nihin October 7 chunhnu sml. 2:00 hrawng ah an laak khawh cang, tiah theih a si.
Thantlang khua laaknak Tilim Operation (4) an rak thawk ka ah Thantlang khua i SAC ralkap sakhaan Kha La Ya (269) cu Chinland cozah ralkap nih an laak hnu ah Lai Villa, NLD Zung, CB Bank, Palek Sakhaan le Penguk Zung hna ah SAC ralkap pawl hmun an khuar ṭhan.
SAC ralkap hmunkhuarnak panga lak ah Lai Villa zong cu Chinland Cozah ralkap nih September thla chung ah an laak i atu October ah CB an hun laak nolh hi a si.
October 4 zong ah Thantlang khuachung ah kahdohnak a faak ngaingai i SAC ralkap nih Fighter Jet pahnih le Y-12 vanlawng in bomb voi 70 hrawng a thlak, tiah theih a si.
