CDF-Matupi, Battalion-6 (Ai-daak Battalion) cu 2024 February thla ah tlamtling tein kan dirh cang i, Ai-daak battalion nih Chinland Council kan dirpi tiah May 10 ah zapi sin theihternak an hun tuah.
“Ai-daak battalion nih Chinland Council kan dirpi i Chinland Council nih a dirh mi runvennak le humhimnak rian ah a ṭangṭi mi CNF, CDFs hna he kutsih in, ramchung ram leeng um Ai-daak miphun dihlak aiawh in kan dir,” tiah an langhter.
Myanmar ramkomh chung ah hramhram uknak a rawhral nakding, rammi nunnak le khuasak runvennak, miphun tlukruannak le a dikfel mi federal democracy a chuah nakding ah a dongh tiang kan doh lai ti zong thawngthanhnak ah an ṭial.
2024 February 23 in 25 tiang tuah mi CDF-Matupi a voi 3nak conference ah, Matupi peng chung dohthlengtu phu le department hna tel in CDF-Matupi battalion kip hruaitu hna hnatlaknak le fehternak in Ai-daak battalion cu dirh a si ti zong an langhter.
