CDF-Matupi, Brigade-2 nih Matupi pengmi mi tam u he hmun khat ah Chinland Council kan dirkamh tiah May 14 ah theihternak an tuah.
April 11 in 12 tiang CDF-Matupi, Brigade-2 in battalion commander hna le zatlang ukhruainak bu hna conference an tuah i ramkheel dirhmun le phunghram hna an suaisam khawh hnu ah, ramkheel dirhmun ah Chinland Council kan dirkamh tiah May 14 ah an thanh.
CDF-Matupi, Brigade-2 ah Battalion pali an um i Battalion-2, Battalion-3, Battalion-4 le Battalion-6 an i tel.
CDF-Matupi chung ah Chinland Council a dirkamh mi le Chin Unau Phu a dirkamh mi tiin phu hnih ah an i ṭhen. CDF-Matupi Brigade 2 ah hin battalion pali an um i Chinland Council ah an lut. Brigade 1 tang ah battalion pahnih an um i Chin Unau Phu ah kan lut ti in an rak thanh ve cang.
