Chinland Council (CC) chungtel ralkap bu hna he Chinram chung ah ral a do tawn mi Yaw People Defense Force (YPDF) cu hrawh a si cang, tiah March 2 ah YPDF nih theihternak a tuah.
Yaw hmunram chung ah a um mi hriamtlai vialte i fonh in Yaw Army ti mi min in hmun khat ah dir ding in February 19 ah sawmnak a um caah atu bantuk in YPDF hrawh a si hi a si, tiah YPDF Chairman Yebaw Yawlay nih a chim.
YPDF hi Tonzang khua laak kahdohnak ah CC chungtel ralkap hna he hmun khat ah ral a rak do mi Yaw hriamtlai bu pakhat a si.
Yaw Army ti mi min hmun khat te ah raldoh le ramkhel rian ṭuan ding in YA le YPDF hruaitu karlak ah ceihhmainak zong an ngei cang i kalning phungphai kong he pehtlai in lungtlingnak zong an ngei cang, tiah theih a si.
