Hakha hrambunh in dirh mi Chin Youth Organization (CYO) nih a tuah mi CYO Cup cu a ra lai mi March 26 ah tuah ding in biachahnak tuah a si cang.
“Hi CYO Cup ah tel a duh mi nih February 24 a hnu bik chia in min i pek dih a si lai. Hakha khuachung Sang ruk chung in pumpululh team chuah khawh zat in chuah khawh a si. Team thum chuah a duh mi zong nih chuah khawh a si. Cun, Hakha Peng in Mi-e, Senthang le Zo zong an i tel lai,” tiah CYO, Associate Sport Secretary Cross Thang nih The Hakha Post ah a chim.
CYO Cup cu Peng dang le Tlang dang tel lo in Hakha khuachung Sang paruk le Hakha Peng pathum lawng i tel mi pumpululh zuamnak a si.
Tutan March thla ah tuah ding mi CYO Cup hi a voi hnihnak a si lai i a voi khatnak rak tuah mi CYO Cup ah Mi-e nih pakhatnak an rak co.
