Kanpetlet peng, Cinduai (Kyatwee) khua cu 2024 April 29, zinglei sml. 9:30 ah kan laak khawh cang tiah Chin Unau Phu nih nihin ah an thanh.
Cinduai khua cu 2023 December thla in CDF-Kanpetlet, CDF phukomh le PDF nih kah hram an rak thawk cang mi a si. 2024 March 7 in “CB Operation” tiah min an thlen i Chin Unau phu, AA, PDF, YDF le LPDF hna i bawm in an tuk, tiah theih a si.
CB Operation tiah min an thlen hnu, ni 54nak ah Cinduai khua SAC ralkap sakhan cu kan laak khawh pin ah hriamnam tampi zong kan laak khawh tiah Chin Unau Phu thawngthanhnak ah an ṭial.
SAC nih Cinduai khua kahdonnak a sungh lo nakding ah faakpi in aa zuam i, kahdohnak bawmtu ralkap tampi a chiah hna pin ah vanlawng in kahdohnak voi tampi a tuah tiah kan theih.
Cinduai khua kahdohnak ah Dohthlengtu ralkap phu komh lei in nunnak a pe mi le hmapu zong an tam i, kahdohnak thla li leng a rauh hnu ah atu bantuk in Cinduai khua an laak khawh hi a si tiah theih a si.
