Chin Defense Force-Kanpetlet cu 2024 March 6 thawk in Chin Unau Phu chungtel kan si cang tiah nihin ah an thanh.
Chin Unau Phu chung ah i tel ding in voi tampi tonbiaruahnak kan ngeih hnu ah kan i fonh mi a si tiah cathanh ah an langhter.
Chin Unau Phu cu Chinland Council ah aa tel lo mi ZFU/PDF Zoland, CNO/CNDF le CNC/CDF-Mindat nih 2023 December 30 ah an rak dirh mi a si. 2024 January 30 ah MTC/MDF cu chungtel ah an lut i tutan ah CDF-Kanpetlet he ti in chungtel phu nga an hung si.
Hmanthlak: CDF-Kanpetlet (CDF-Kanpetlet ralkap pawl hmanthlak hlun a si.)
