2020 March 13 ah American ram in Myanmar ram ah a rak tlung mi Chin Ramkulh Tedim khuami kum 36 pa le 2020 March 22 ah England ram in Myanmar ram ah a rak tlawng mi kum 26 upa England ram khuasa Myanmar rammi pa cu COVID-19 zawtnak an ngei tiah Myanmar ram Ngandamnak Zung nih mizapi sin theihternak an tuah.
Tedim pa hi American in Green Card a ngah mi a si i, 2020 March 19 ah a taksa a linh tuk ca ah Population Service International sii-khaan ah an thlop dih hnu 2020 March 21 ah Tedim sii-innpi ah an thial i lunghrinh mi mizaw chiahnak hmun ah amah lawng an chiah. Hi pa hi cumpi le thaw chuahnak lei amah ningte a si lo ca ah 2020 March 22 Yangon Dat-Khuai-Khan ah a thi an kuat i 2020 March 23 ah zohfelnak an tuah dih hnu ah atu bantuk in COVID-19 zawtnak a ngei ko tiah an langhter hi a si.
Cun, England ram in 2020 March 22 ah Myanmar ram lei a rak tlawng mi kum 26 pa England ram khuasa Myanmar rammi pa hi Myanmar ram a phakka in a taksa a lin, a thawchuah ning a hman lo ca ah lunghrinh mi mizaw zohnak ah an chiah. A zawtnak hi Yangon Dat-Khuai-Khan ah an kuat ve i 2020 March 23 ah zawtnak hrik an hmuh ve tiah kan theih.
Hi hna pahnih an result hi phungning tein World Health Organization (WHO) sin ah 2020 March 24 ah khan an kuat than hna. Cun, hi hna pahnih a tawngthamtu le a zohkhenh tu a si mi poh ngandamnak zung nih tha tein zohfelnak a tuah ve hna lai tiah kan theih. (Ref: Myanmar ram Ngandamnak Zung)
