Kyat Nuai 27000 dih in an tuah mi Chin ramkulh chung Paletwa Kaladan tannak hlei an donh mi a rauh hlan ah an lim cang lai tiah kan theih.
Hi hlei an donh mi hi a sau pe 1942 (592 m), a kauh lei 9.5 m, motor le motorcycle kalnak lam a kauh lei 7.5 m, minung kalnak lam 1 m (kap hnih) le Hs-25 lond Class motor phun a kal kho lai tiah kan theih.
Hi kong he pehtlai in Paletwa hlei an donhnak ah rian ngei upa pakhat nih, “Hi hlei donh mi hi a sau pe 1942 (592 m), a kauh lei 9.5 m, motor le motorcycle kalnak lam a kauh lei 7.5 m, minung kalnak lam 1 m (kap hnih) le Hs-25 lond Class motor phun a kal kho lai. Paletwa ahhin a hlan ahcun ti lawng in um kal kho a si nain atu ahcun motor zong a kal kho cang lai,” tiah The Hakha Post ah a chim.
Hi Kaladan tannak hlei an donh mi hi Chin ramkulh chung ah a sau bik a si i, Paletwa le Matupi kar ah a um mi a si. Hi hlei an donh mi an lim a si cun Matupi, Hakha, Mandalay, Yangon lei zong in zalong tein an umkal kho cang lai.
Photo/ Internet
