Kan hnugnai hrawng Chin Ramkulh chung inramleng a chuak mi minung hi zatuak 60 cu Pastor an si i a dang hi ramdang lei um mi nih nu le pa an cah mi hna an si tiah thawng kan theih.
Hakha le Thantlang Biakinn kip ti awk in Pastor hi ramleng an chuak cang. Hlasatu zong tampi an kal i kum khat ah minung 200 tluk cu an chuak tawn.
“Chin Ramkulh Hmun kip in Passport Zung ah Passport aa tuah mi hi kum khat ah tampi an um. Cazin dikthliar cu cunglei ah hal hmasa a hauh ca ah chim awk a tha lo. Mizei deuh dah an si ti hi cu kan fiang tuk lo. Lothlo tiin hmat-pung-tin ah a um dih i chim awk a har deuh,” tiah Chin Ramkulh Passport Zung riantuantu U Chitko nih The Hakha Post ah a chim.
Hakha in Khualtlawnnak lei a tuanmi Friends of Nature riantuantu Mai Biak Tha Cuai nih, “Ramleng a chuak mi kanmah Zung nih kan tuahpiak mi hna lak ah Pastor hi an tam bik. Biaknak lei an si ca ah ramdang lei nih rak sawm zong a tam i a si men lai. Zatuak 60 hi cu Pastor deuh an si. Voi khat lawng si lo in voi hnihthum a kal mi zong an um,” tiah The Hakha Post ah a chim.
TNLA ralkap thong khat leng nih Special Combat Training an lim
13 November 2024
