Chin Ramkulh Hluttaw nih 2018-2019 tangka kum budget 144.98 billion an fehter

A voi 14nak Chin Ramkulh Hluttaw caanhman meeting ah 2018-2019 tangka kum budget 144.98 billion an fehter cang, tiah June 11 ah kan theih.

Hi a voi 14nak Hluttaw meeting cu June 8 ah an tuah i relremlonak ruang ah a ni thawn in June 11 ah an fehter cang, tiah kan theih.
“2017-2018 tangka kum lio ah 136 billion hrawng lawng a si. Atu kan ceih mi le kan fehter mi 2018-2019 tangka kum ca tu ahcun 144.98 billion ah kan kaih. A tam deuh ngaingai,” tiah USDP Hluttaw Palai Pu Van Thawng nih The Hakha Post ah a chim.
Tutan Hluttaw meeting ah budget lawng si loin Matupi khua ah khualbuuk tha mi sak ding, Falam khuachung dinti pek ding tibantuk zong aa tel. Budget 144.98 billion cu Pyidaungsu ah an kuat lai i fehter a si te lai, tiah kan theih.