Coronavirus Disease-2019 (COVID-19) zawtnak hrik a ngei i Myanmar ram a rak phan mi Chin Ramkulh Tedim peng Kaptel khua mi Pa….. a umnak khua ah Ramkulh Cozah nih facang le thil a dangdang bawmhnak pek tiah kan theih.
Coronavirus Disease-2019 (COVID-19) in kan i runven khawh nakhnga tiin Tedim peng lam le sul lei Ramkulh Cozah nih a phihkhar ca ah eidin lei ah harnak kan tong sual lai tiah khua mi lungrethei in an um.
Atu Ramkulh Cozah nih bawmhnak a pek mi hi facang tun 670, chiti cuai 400 leng, kalape tun 17 a si. Asinain atu mizaw an chiahnak khuami an dihlak ah minung 3000 tluk an si i, mizaw pa i an nu ding a umnak khua zong minung 3000 tluk an si ve ca ah an lungre a thei ngai tiah kan theih.
Cun, atu mizaw a umnak Kaptel khua ca ah zatlang bu cheukhat le midangdang zong nih March 27 ni ah facang tun 400 bawmhnak an pek tiah kan theih.
