Chin Ramkulh Saram Zohkhenhnak Zung tawlrelnak in Uico hruh khamnak sii an chunh cuahmah i nihin tiang Ramkulh Saram Zohkhenhnak Zung cazin ning ah Uico 120 an chunh cang hna tiah Dr. Kyaw Thu sin in thawng kan theih.
, “Atu hi Chin Ramkulh huap in Uico hruh khamnak sii peng kip cio ah rian ngeitu hna nih chunh cio a si. Sii kan chunh mi zong hi rikhiahnak hmun ah an rat a si ahcun man lo tein kan chunhpiak hna. Cun, phungki sianginn i a ummi uico tiang kan chunhpiak hna,” tiah Dr. Kyaw Thu nih The Hakha Post ah a chim.
Uico hrut zawtnak virus hi an nunnak tiang hmanh a liam kho mi zawtnak a si. Uico, chizawh, Rul, Ram Ui tibantuk hna sinah hi zawtnak virus hi a chuak kho. Zawtnak a ngei cang mi saram a si ahcun cu saram i a cil in a dang pawl zong a chawnh khawh hna, cucaah hlan kan in uico hrut raikham sii hi chunhnak in i runven khawh a si tiah saram lei zung nih catlap chuah mi ah a tel.
2018 in 2030 chungah hi uico hrut zawtnak hi a loh khawh nakhnga vawlei pi zong nih aa timh mi a si. Myanmar ram zongah hi zawtnak hi a loh khawh nak hnga saram lei zohkhenhnak zung zong nih biatak tein a tuan lio a si, tiah theih a si.
