2020 thimnak ah United Democracy Party in aa cuh ding mi Palai an fiang cang nain CEC sin in fehternak ca hmuh a si rih lo, tiah kan theih.
Hi kong he pehtlai in Hakha Peng UDP Chairman Pu Ni Hu nih, “Palai aa cuh ding mi minung cu thim an si cang ko nain, CEC nih fehternak ca an kan kua rih lo. A ruang cu Matupi le Paletwa hna hi ral ruang ah a tlamtling lo mi tete a um pah. Asinain, hmaizarh chung ahcun fehternak ca cu an kan kuat ko lai tiah kan ruah,” tiah The Hakha Post ah a chim.
2020 kum thimnak ah United Democracy Party in Chin Ramkulh Peng 9 chung ah Palai an i cuh lai. Asinain, Paletwa Peng belte hi kahdohnak ruang ah a buaibai deuh i an fiang rih lo, tiah kan theih.
UDP in Hakha Peng ah aa cuh ding mi hna cu, Ramkulh Hluttaw No. 1 in Pi Thla Iang, No.2 in Pu Ram Peng, Amyotha Hluttaw No. 11 in Pu Ceu Vung, Amyotha No.12 in Pu Ceu Ling, Pyithu Hluttaw in Pu Tun Tun hna an si.
Thantlang Peng Ramkulh Hluttaw No.1 in Pu Za Neih Lian, No.2 in Pu Dar Kung, Amyotha Hluttaw No. 10 Pu Biak Lian Thang le Pyithu Hluttaw in Pu Van Za Rung hna an si, tiah kan theih.
