2021 January thla, Chin Ramkulh chung inn a kaang mi inn 12 hna sin ah Hakha Mino nih sing 105 bawmhnak an pek tiah tuanvo ngeitu hna sin in thawng theih a si.
January thla chung lawng ah inn a kaang mi hna hi Falam ah inn 6, Hakha ah inn thum, Thantlang ah inn khat, Tinam ah inn khat le Mindat Peng ah inn khat hna an si.
Bawmhnak an pek mi kong he pehtlai in tawlreltu Salai Tluangte nih, “January thla chung lawng ah inn 12 a kaang. Hi inn kangh ruang ah harnak a tong mi chungkhar hna ca ah tiin Hakha khuachung ah inn khat hnu inn khat luhhnawh in zarh hnh chung sangkip mino nih tlawmsuk bawmhhalnak kan ngei. Bawmh kan hal hna nak ah a chuak mi dihlak hi sing 109 fai a si. Bawmhnak kan pek hna ning hi Falam ah sing 45, Hakha ah sing 10, Thantlang,Tinam le Mindat Peng ca ahhin sing 10 cio tiin kan pek hna. Sing 4 a taang mi hi vouchers tuah man le a dangdang a herhnak ah kan hman mi a si. Mindat lei tu hi cu a kuat in kan kuat hna lai. Atu cu tlamtlin lonak tete a um ca ah kan kua rih hna lo,” tiah The Hakha Post ah a chim.
Hi inn 12 a kangh ruang ah Falam ah minung pahnih le Hakha ah minung pakhat an nunnak a liam tiah theih a si.
