Chin Ramkulh chung ah COVID-19 zawtnak a chuah ka in 2021 January 20 tiang COVID-19 zawtnak ngei le ngei lo chek mi dihlak minung 26727 an si i zawtnak hmuh mi dihlak minung 389 an si tiah Chin Ramkulh Ngandamnak zung lutlai Dr. Aung Ngwe San nih The Hakha Post ah a chim.
Chin Ramkulh Ngandamnak zung lutlai Dr. Aung Ngwe San nih, “Chin Ramkulh chung ah COVID-19 zawtnak ngei le ngei lo chek mi dihlak minung 26727, zawtnak a ngei mi minung 389, zawtnak ngei lo mi minung 26338 le zawtnak ruangah a thi mi minung pathum an si. Atu Sii-inn ah um lio mi hi Falam peng ah minung 9, Mindat peng ah minung 2, Matupi peng ah minung 3, Tedim peng ah minung 55, Tonzang peng ah minung 1, Paletwa peng ah minung 1, Kanpetlet peng ah minung 2, Thantlang peng ah minung 3, Rihkhuadar ah minung 5 tiin minung 81 an si.” tiah The Hakha Post ah a chim.
“COVID-19 zawtnak a ngei mi hna chung in a tam deuh hi cu motor mawng le motor zul deuh an si. Atu Sii-inn um lio mi minung 81 an si i damnak a hmu cang mi minung 305 an si. 2021 khumthar hnu zawtnak ruang ah a thi mi minung pakhat a si” tiah a chimchap.
Chin Ramkulh chung COVID-19 zawtnak hmuh tambik nak hi Tedim peng a si tiah kan theih. Tedim peng Tuithang khua cu phihkhar in a um tiah thawng kan theih
