Chin Ramkulh chung ah sianginn 1525 a um. Khua he aa tlak lo tiang in sianginn a tam. Cucaah biatak tein ruah a hau, sianginn maw a biapi deuh, fimnak, catang maw a biapi deuh, fimnak ti hi ruah a herh, tiah Minister Pu Pau Lun Min Thang nih a chim.
“Sianginn lawng tam tung i quality ngeih lo cu, a tha lo. Catang a san zong ah quality ngeih lo ahcun rian sok tik ah a har tuk. Quality a ngei lo mi sianginn tamtuk ngeih zong hi kamkhat lei cun a tha lo. Cucaah, kan sianginn a quality a thancho khawh nakhnga kan zapi tein kan i bawmh a herh,” tiah a chim.
“Tukum ah siangsangrun cataang sanh mi sianginn 207 a um i, cu chung ah sianginn 181 hon khawh a si lo. Paletwa Peng ah sianginn 25 hrawng hi ram a daih lo ruang ah hon khawh a si lo. Cun, Thantlang Peng ah sianginn 1 siangakchia an um lo ruang ah kan hong lo. A dang tu hi cu hon khawh ding dirhmun ah an um ko. Atu hi COVID-19 zawtnak a um lio a si bantuk in, sianginn nih zulhphung tete ser an si i, A B C tiah kan then hna. Asinain, atu cu zatuak 73% hrawng cu hon khawh ding dirhmun an si cang ko,” tiah a chimchap.
