Chin ramkulh chung ah phungonh lo meithal hmang in sakah a tam tuk ruang ah ramsa a zorlei an panh cang ca ah hi bantuk sakahnak hi fak taktak in kan doh cang lai. A bik in licence ngei lo meithal poh cu chekhlainak an tuah lai i an tlaih thluahmah cang lai tiah thawng theih a si.
”Chin ramkulh ah licence ngei meithal cu hmannak nawl pek an si ko lai. license ngei lo Lai ser meithal phun hna hi licence ngei lo an si. Ram an kal can ah i kah sual le a herh lo tiangah kah/puah zong a tam, an hman mi meithal hi mei a chuahter kho tu zong a si ca ah ram zong a kangh khawh. Cucaah hi bantuk phunglo meithal hman cu kan kham cang lai,” tiah Chin ramkulh cozah chungin tuanvo ngeitu pakhat nih a chim.
“Chin Miphun nih zatlang nunphung ah meithal put hi kan phung le lam ah kan hman tawn. Asinain licence ngei lo meithal a hmang mi hna cu kum 7 thong thlak ding an si ca ah a rauh hlan ah anmah tein meithal he a pehtlai mi zung ah an rak up tuan a herh” tiah Chinram Cozah chungin tuanvo ngeitu pakhat nih a chim.
Ref: The Mirror Daily)
