Myanmar ram chung ah COVID-19 zawtnak a chuah i Chin Ramkulh a kan phak hnu zawtnak a ngei mi hna le sii-inn ah chiah lio mi hna cu Chin State Health Department nih a tanglei bantuk in a langhter.
A langhter ning ah, Mindat hi zawtnak ngei minung 42 in zawtnak hmuh mi a tam cemnak hmun a si i, minung 16 hi a pahnihnak ah a tam cem a si ve. Cun, Falam in zawtnak hmuh mi minung 8, Hakha in 9, Tonzang in 13, Thantlang in 1, Matupi in 4 le Kanpetlet in 1 hna an si i, zawtnak ngei mi dihlak minung 92 an si cang.
Atu sii-inn ah zohkhenh lio mi hna hi Hakha ah minung 1, Falam ah minung 3, Tedim ah minung 3, Mindat ah minung 11, Kanpetlet ah minung 1 hna an si. Sii-inn ah zohkhenh lio mi hna hi 2020 November 16 tiang ah minung 19 an si tiah kan theih.
COVID-19 zawtnak a chuah kain Chin Ramkulh chung ah chek cang mi dihlak 9435 an si. Zawtnak hmuh mi hna chung ah Kalay sii-inn ah minung 3, Pakkuko sii-inn ah minung 2 le Pouh sii-inn ah minung 2 hna cu kuat an si tiah Chin State Health Department nih an langhter.
