March 20 ah an tuah mi Mizoram huap cathiam zuamnak Olympic ah Chin ralzam Salai Peter nih pakhatnak a hmuh, tiah theih a si.
Salai Peter nih, “Kan sianginn taang-8 ah hin siangngakchia 80 hrawng kan um. Sianginn pakhat ah aiawhtu siangngakchia pakhat cio thim kan si,” tiah The Mindat Post ah a chim.
Salai Peter hi Mizoram ralzaam camp ah a um mi a si i, taang-8 a cawng lio mi a si.
SAC nih Myanmar ram uknak a laak hlan ah cun Salai Peter te cu Mindat peng ah a um mi an si i, SAC nih uknak a laak hnu in a nu le a pa hi an pahnih ning in CDM an tuah i Mizoram ah a zaam mi an si.
