Chin ramkulh, Matupi peng, Lailenpi khuapi ah a um mi IB-304 SAC ralkap camp cu CNA hruai mi Chin ralkap phu komh nih nihin November 24 zinglei ah an laak khawh cang tiah kan theih.
SAC camp kahdohnak cu November 19 in an thawk i a ni ruknak ah an laak khawh hi a si.
“An camp cu kan laak khawh cang. A zaam mi an um caah kan dawi cuahmah hna,” tiah CDF-Mara in tuanvo ngeitu pakhat nih The Hakha Post ah a chim.
SAC nih vanlawng in ni li chung bomb voi tampi a rak thlak hna ca ah khuami pali nunnak a liam, Biakinn le sianginn tel in a tlawm bik inn 10 a rawk tiah theih a si.
Lailenpi SAC camp laak kahdohnak cu CNA, CDF-Mara, CDF-Lautu, CDF-Zophei, CDF-Matupi le CDF-Thantlang nih an tuah mi a si.
