Chin National Army (CNA) nih India le Myamar ramri minung cheknak kutka ah (General Head Quarter India-Myanmar Border Chek Gate) ah lunghrinh mi minung pali an tlaih hna, tiah thawng kan theih.
CNA nih lunghrinh in a tlaih mi hna minung pali hi nu pahnih le pa pahnih an si. Hi minung pali hna hi February 5, zaanlei 3:00 ah an tlaih hna hi a si.
“Hi minung pali hna hi Mizo ram Farkawn in zaan 10:00 ah Pu Tuan Cung inn in an rak i thawh,” tiah Pu Tuan Cung nupi nih a chim.
Hi lunghrinh mi minung pali chiah le laak thannak kong ah Mizo ram Champhai, Bethel Veng ah a um mi Falam in papakhat le Farkawn in Pu Tuan Cung nih tuanvo an laak te lai, tiah theih a si.
“A luan cia 2012 kum lio zong ah a thli tein a kan hel i an rak luutchuak bal cang. A hruaitu pa nih, ralkap, palek le CNF ti bantuk cu nan hrial hna lai, tiah a kan ti an ti i zei bantuk minung, zei tuah mi an si le zei dah a timh mi a si ti cu kan chekhlat hna lio a si,” tiah CNA G-2 in Pu Sang Cem nih a chim. The Hakha Post
