2018 kum Chin Miphun Ni ah Hakha khua sersiam hnga tluk in kan sersiam khawh lo mi hi kan fim deuh lo bia rumro a si ko, tiah Minister Pu Sui Thio nih a chim.
“2017 
kum Chin Miphun Ni kha Chin Ramkulh Cozah hruainak in Falam khua ah tuah a si i annih cu an rak fim tuk. An herh mi tuahpiak ding kha tlamtling tein an rak i suaisamcia i an khuachung thanchonak tampi tuahpiak an si. Kannih Hakha cu kan rak fim deuh lo. Kan duh mi kha tlamtling tein timhtuahnak le suaisamnak kan rak ngeicia lo. Falam hoi cu an khuachung lam le luti luannak pawl siseh, a dangdang thanchonak ah an i hman khawh. Kannih Hakha cu kan fim deuh lo bia a si ko,” tiah Chin Ramkulh Cozah Lamsuul Minister Pu Sui Thio nih The Hakha Post ah a chim.
Tu kum Chin Miphun Ni cu Pyidaungsu budget tangka sing 500 leng dih in tuah mi a si.
