Zahan April 8 zaantim ah Ralhraang Council SAC nih Chin ram le Magwe ramthen ramri ah vanlawng in bomb a thlak tiah tualchung mi nih an chim.
Nay Pyi Taw vanlawng bual in a rak i thawh mi Jet Fighter nih zahan zaan suimilaam 11:30 thawk in suimilaam pakhat dengmang chung vanlawng in voi thum bomb a thlak mi a si i, a thi mi le a rawkral mi kong thieh a si rih lo.
Zahan zaan ah SAC ralhraang le CDF-Mindat, Yaw PDF phu komh kar kahdohnak a um i, Mindat khua hrambunh SAC ralhraang pawl zong nih Mindat khua in khuate lei ah miakpi an kah tiah kan theih.
Photo: SAC ralhraang nih atu lio ah a hman bik mi Russia ser YAK-130 vanlawng pakhat
