Sagaing ramthen, Chaung-U peng, Monywa-Madalay lam ah bomb puah hnawh mi ralhraang motor a rak remhtu ralhraang hna cu PDF nih an kah hna i ralhraang 8 an thi, meithla zun 3 kan lak tiah Chaung-U People’s Defence Force (CHUPDF) nih an chim.
September 25, Sagaing in Monywa ah, Monywa- Mandalay motor lam pi in a ra mi Council ralhraang thilri phortu motor cu CHUPDF nih Chaung-U le Khinmon khua kar ah bomb an puah hna ca ah ralhraang motor pakhat a rawk i a dir tiah kan theih.
Lam cung ah a rawk mi motor cu a dang ralhraang motor pakhat nih dir in an bawmh hna. Motor rawk mi an remh lio ah PDF nih an kah hna i ralhraang 5 le Khinmon hrambunh Nah Mah Kha ralkap pakhat an thi. A dang ralhraang 2 hna cu an nung in an tlaih hna nain an hliam hma a fah ca ah an thi tiah kan theih.
Ralhraang sin in BA 72(G-1) zun 1, MA 3 zun 1, BA 94(Uzhi) zun 1, 7.62 kuan 20, 5.56 kuan 26, 9MM kuan 15, namte 1, Mytel keypad 1, pehtlaihnak (ph) pakhat an lak i PDF lei 2 hliam hma fak lo an pu tiah kan theih. Ref: Khit Thit Media
