Naypyidaw-PDF ralkap pawl nih CDM tuah ding in a zaam mi SAC ralkap pawl an va khamh hnanak ah Naypyidaw-PDF in ralkap khat le CDM a tuah ding mi SAC ralkap pathum an thi, tiah theih a si.
Hramhram in SAC ralkap ah an tlak mi hna minung 7 nih hriamnam he zaam kan duh tiah Naypyidaw-PDF an pehtlaih hna i January 17 ah khan an va laak hna.
SAC ralkap 7 an zaampi hna lio ah SAC ralkap lei in drone in bomb an tlak hna caah Naypyidaw-PDF in ralkap pakhat a thi i, a dang pahnih hliahma an pu.
A zaam mi SAC ralkap 7 chung ah pathum zong an nunnak a liam, tiah Naypyidaw-PDF ṭuanvo ngeitu Bo Tayzar nih People’s Spring ah a chim.
A nunnak a liam mi Naypyidaw-PDF ralkap pakhat le a zaam mi SAC ralkap pathum hna i an ruak cu January 19 ah khan an vui hna, tiah theih a si.
