Senthang hriamtlai bu pahnih, CDF-Senthang le CDF-Hakha Battalion (2) cu bu khat ah an i fonh i Senthang Central Council/Senthang Revolution Forces ti mi tlamtling te in an dirh cang, tiah theih a si.
Chinland Council biachah ning in February 16-17 ah Senthang mipi tonpumhnak an ngei i, Senthang mizapi a huaptu Senthang Central Council/Senthang Revolution Forces hi kan dirh, tiah cathanh an chuah.
Ralkap uknak dihdonghter ding le Federal Democracy ramkomh ser ding in Chinland Council le a dangdang dohthlengtu bu hna he rian kan ṭuan ṭi lai, tiah cathanh ah an langhter.
Gangaw peng ah hmun a khuar mi Lai hriamtlai bu “Unbroken Generation” ti mi zong atu February thla chung ah CDF-Senthang sin ah an i fonh, tiah theih a si.
