Matupi ah CDF-Matupi, CDF-Mara le CDF-Zotung i bawm in ralhraang he hmun thum ah an i kap i SAC ralhraang pariat an thi, panga nak tlawm lo hma an pu tiah CDF-Matupi nih a thanh.
Matupi-Hakha lam, CDF-Matupi Battalion-2 humhak mi hmun chung ah an i kahnak cu a si. Ngaleng khua le Pengkomh Zung kar ah voi khat, Pengkomh Zung quarter bo ah voi khat, Phaneng khua Phungki inn ah voi khat tiin voi thum an i kap i CDF phu komh lei in hma pu an um lo tiah an langhter.
Nihin thiamthiam ah CDF-Matupi nih Mindat-Matupi kar ah ralhraang pawl guard cawnhnak sakhan an kah i ralhraang pakua an thi, tampi hma an put leng ah ralhraang meithal pakhat zong an lak khawh tiah kan theih.
Photo: CDF-Matupi ralkap pawl hmanthlak hlun a si.
