CDF-Paletwa nan bawmh hna, pehtlaihnak nan ngei ti in Chinram, Paletwa peng chung khuate pathum in minung 10 cu Rakhine hriamtlai AA nih September 17 ah an tlaih hna tiah theih a si.
“Paletwa tualchungmi 10 an tlaih hna tiah kan theih. Minung 10 chung ah 6 cu an min cazin he fiang tein hngalh an si cang. A luancia 17 ni ah an tlaih hna i an kalpi hna tiah kan theih. Zeiruang ah an tlaih hna ti ah cun; Paletwa ah dohthlennak a tuah mi CDF-Paletwa he an i pehtlai, an bawmh hna ti in an tlaih hna tiah kan theih,” tiah khuami pakhat nih Chin World ah a chim.
Tlaih a tong mi hna cu Paletwa peng Ngashar khuami panga, Chindauk khuami pahnih le Yechian khuami pathum an si. Atu tiang AA nih an thlah rih hna lo tiah theih a si.
Paletwa peng mi 10 tlaih an ton mi kong he pehtlai in a dik ko tiah Interim Khumi Affairs Consultative Council (IKACC) zong nih a fehter. (Ref: Chin World)
