Falam peng chung ah CDF-Ngawnngam ti mi hriamtlai bu pakhat an hun ser mi kong he pehtlai in Ngawn Union Council (NUC) nih duhlonak a langhter i CNF cung ah sual a phawt, tiah theih a si.
February 17 ah CDF-Ngawnngam ti mi Facebook Page an ser i, phungning in an hman ding mi logo zong CDF-Ngawnngam nih mizapi sin ah theihternak a tuah.
February 27 ah CDF-Ngawnngam ralkap pawl hmanthlak pahnih cu an Facebook Page ah an tar i Ngawn CDF an si tiah an langhter.
SAC ralkap an um ti lonak Ngawnram ah CNF/CNA bawmhnak in CDF-Ngawnngam an dirh mi hi Ngawn miphun lungrualnak hrawh an timh bia a si caah CDF-Ngawnngam ah aa tel mi ralkap vialte chuah dih ding in NUC nih forhfialnak a tuah.
NUC nih CDF-Ngawnngam cu CNF/CNA kuttang hriamtlai bu tiah a auh i, Ngawnram chung ah hmunkhuar lo ding in ralrin peknak zong a tuah, tiah theih a si.
