CNF Central Organizer Pu Hung Naing Sui cu Mindat peng, M’Kuiimnu khua i a chungkhar sin a tlun lio ah CDF-Mindat nih an tlaih, tiah theih a si.
May 24 ah M’Kuiimnu khua i a chungkhar sin a tlun lio ah CDF-Mindat ralbawi zik Thang Chon Phe nawlpeknak in an tlaih, tiah Shwe Phe Myay thawngzamhnak nih a tial.
“A chungkhar tlawn ah a va tlun ta bia a si. Kal lo ding in kan thloh ko nain Chinmi le Chinmi karlak ah i tlaihkhihnak a um lai lo tiah a ruah i a meithal zong aa put lo. CDF-Mindat ralbawi zik Thang Chon Phe nih nawl a pek hna i CDF-Mindat Battalion-6 ralkap pawl nih a inn ah an tlaih,” tiah tualchungmi pakhat nih a chim.
Pu Hung Naing Sui cu Mindat peng, Chat khua ah CDF-Mindat nih an hren i May 27 ah khan a farnu he tonnak nawl an pek hna.
Kan hnu February 9 zong ah khan CNF he naihniam a si tiah an ti mi RC Father Ki Hung (Retired) cu CDF-Mindat nih an rak tlaih i atu tiang an thlah rih lo, tiah theih a si.
