Matupi-Paletwa lam ah a um mi LIB-304 SAC ralkap camp gate cu CDF-Matupi nih tu zing suimilaam 8:30 hrawng ah an kah i SAC ralhraang pathum hma an pu tiah CDF-Matupi nih a thanh.
Suimilaam a cheu tluk an i kap i SAC ralkap pathum hma an pu, CDF-Matupi ralkap lei cu himbawm tein hnulei ah an kir kho tiah an langhter.
Cu kahdohnak a dih hnu in SAC lei nih zawndamh le ningcanglo in hriamngan an kah caah rammi hna nih i ralrin ding zong CDF-Matupi nih an thanhchih.
