Chinland Defense Force – Lautu ah hruaitu pakhat a si mi Salai IZ (Bawi Tin Thang) cu nihin October 19, India ram, Delhi khua ah mual a liam tiah CDF-Lautu nih a thanh.
Salai IZ cu CDF-Lautu ah kum hnih chung Tactical Operation Command Lutlai (Biohahmu) a rak tuan mi a si i, policy suaisamtu committee ah secretary a tuan lio mi a si tiah theih a si.
Ram le miphun ca rian a tuan cuahmah lio ah Salai IZ cu October 19, zinglei suimilaam 5:28 ah India ram, New Delhi khua ah mual a liam tiah an langhter.
CDF-Lautu ah miphun le ram ca rian a tuan lio ah mual a liam mi Salai IZ i aa pekchanhnak cung ah CDF-Lautu nih upat kan pek i a chungkhar ngaihchiatnak kan hrawmpi hna tiah CDF-Lautu nih an thanh.
