India-Myanmar ramri Rihkhawdar ah CDF-Hualngoram ralkap nih rithaisii (Heroin) a phortu minung 2 tel in minung 6 an tlaih hna, tiah thawng kan theih.
June 28 ah rithaisii bawm 58 cu kum 24 a simi Joseph Lal Siam Tluang sin in tlaih a si i, amah he pehtlaihnak a ngeimi Pi Sui Nei Thluai zong (42) an tlaih ve.
An tlaihmi Rithaisii kong he pehtlai in hlathlainak an tuah chap tik ah Pu Van Thawm Mang, Pi Lal Pek Muani, Emmanuel Ding Hngeta le Pu Lal Nei Thang zong an tlaih chap hna.
Rithaisii an phorhmi hi India tangka in 394,000 man a si i, Myanmar tangka ting 15 hrawng zong Pi Sui Ngei Thluai sin in an tlaih chih.
Rithaisii a phortu minung 6 cu Hualngoram Legal Authority (HLA) nih phung ning in dandatnak a tuah hna lai, tiah theih a si.
