Kum thum chung ah SAC ralkap le palik 40 hrawng cu CDF-Hakha sin ah an zaam cang, tiah CDF-Hakha ṭuanvo ngeitu nih a chim.
CDF-Hakha ṭuanvo ngeitu pakhat nih, “Ralkap nih uknak an laak ka ah khan cun SAC ralkap le palik CDM a tuah mi an rak tam ngai. Kan sin ah duhsah in an rak zaam i nihin ni tiang ah cun minung 40 hrawng ans i cang,” tiah Khonumthung sin ah a chim.
CDF-Hakha sin ah a zaam mi SAC ralkap le palik pawl hi Hakha khuapi chung in le Hakha peng chung in an si hna i, March 2 zong ah khan Hakha SAC palik pakhat cu CDF-Hakha sin ah meithal he a zaam.
CDF-Hakha sin ah a zaam mi lak ah palik an tam deuh i, meithal aa ken mi le aa ken lo mi ti in an um hna.
CDF-Hakha sin ah a rak zaam mi pohpoh cu himnak hmun ah thlah an si i, meithal aa zaampi mi pawl cu tangka ting 50 MMK zong laksawng pek an si.
