2024 July 12 in November 12 tiang, thla li chung ah CDF-Hakha nih SAC ralkap 53 kan thah khawh hna, a nung in paruk kan tlaih hna i 14 kan hliamh hna tiah CDF-Hakha nih a thanh.
Cucu, Thantlang ah kalpi cuahmah mi Tilim Operation 4 dirkamh cawlcanghnak ah kan tuah khawh mi an si tiah CDF-Hakha nih nihin November 12 ah zapi theihternak a tuah.
Cu thla li chung ah cun SAC palek 13 le ralkap 4, an dihlak 13 nih CDF-Hakha sin ah CDM an rak tuah. SAC Mi-17 helicopter kan kah i a mei lei seh kan hrawh khawh ti zong an langhter.
Thla li chung ah Meithal zun 43 an laak kawh i CDM a rak tuah mi hna nih zun 9 an rak i put. A dihlak ah 60MM, MA 15 le M79 tel in hriamnam zun 52 kan laak tiah an langhter.
Raal nih Thantlang lei nam kho lo in ni 82 chung lampi kan kham khawh ti zong thawngthanhnak ah an tial.
CDF-Hakha nih CNA he i bawm in August 12 ah Operation Rung min in Timit pawng Keivangzuan SAC camp an rak laak i, October 28 ah Kiamtlang SAC camp zong an rak laak.
Photo: Chinland Defense Force – Hakha
